Пра гэта паведаміў журналістам 25 кастрычніка міністр энергетыкі Казахстану Канат Базумбаеў, піша «Власть. Казахстан».
Асноўныя параметры дамоўленасці ўзгодненыя падчас візіту Аляксандра Лукашэнкі ў Казахстан. Аднак дакумент ня будзе падпісаны, а спачатку будзе накіраваны на зацверджанне ўнутры кожнай з дзяржаў. Пра важнасць такой дамоўленасці казаў Аляксандр Лукашэнка напярэдадні візіту.
Казахскі міністр паведаміў таксама, што ў пагадненні ня будзе абʼёмаў паставак, а будуць толькі правілы ды умовы. Таксама Казахстан налягае, каб беларускі бок не займаўся рээкспартам казахстанскай нафты і нафтапрадуктаў. Узамен Нур-Султан гатовы даць Беларусі магчымасць дамаўляцца наўпрост з казахскімі нафтаздабыўнымі кампаніямі.
У сваю чаргу беларускія нафтавікі заявілі, што разлічваюць да канца 2019 году арганізаваць альтэрнатыўны Расеі канал імпарту нафты ў Беларусь. Пытанне выбару крыніцы сыравіны звязана з цаной.
юл